Dena zulo bera zen

Sute arrisku handieneko urte-sasoia da kanikula, uda-mina, eta hark ematen dio izena liburu honetako sei istorioetan lehenari. "Nor zara?", galdetzen dio pertsonaietako batek besteari. "Ur asko eta beste elementu batzuk, zu bezala", erantzuten dio. Zerua argi egon arren, arnasa hartzea hain erraza ez den paisaia bat hedatzen da liburu honetan. Edertasunaren eta heriotzaren igurtzi amaigabean, bakea ez, egia aitzurtu nahia da protagonista. Hendaian, Irunen, Hondarribian, Bordelen, Donostian, Koh Phanganen, Errenterian; elkar besarkatuta kabitzeko moduko zulo txiki batekin aski zatekeen. Gauza guztien azken aldi bat —eta ondorio lehena— Eider Rodriguezen bosgarren ipuin liburuan.

Eider Rodriguez